Гадаад харилцаа

Монголын “Буяны зан үйлийн холбоо” нь олон улсын оршуулгын мэргэжлийн холбоодын гишүүн байгууллагынхаа хувьд жил бүрийн 4-р сард АНУлсад зохион байгуулагддаг хурал, үзэсгэлэнд 11 удаа, 10-р сард Австрали улсад  зохион байгуулагддаг хурал, үзэсгэлэнд 8 удаа, 5-р сард Хонг Конг улсад зохион байгуулагддаг олон улсын хурал үзэсгэлэнд 10 гаруй удаа тасралтгүй оролцож, Монгол улсын оршуулгын зан үйл, өнөө цагийн хөгжил дэвшлийн талаар мэдээлэл, туршлага солилцож ирсэн. Буяны үйлчилгээний байгууллагууд нь олон улсын жишгийн дагуу чиглэл тус бүрээр хөгжиж, олон улсын оршуулгын техник технологийн дэвшлийг эзэмшиж, хурал, үзэсгэлэнд оролцож,  үйл ажиллагаанаас нь суралцан өөрийн орны зан заншил, онцлогт тохируулан ажиллаж, хөгжлийн зөв замаар явж байгаа нь олон улсын холбооны гишүүн болсонтой салшгүй холбоотой юм.